Dialogue – 31 (Sawaaliya Nishaan)

“Baba.. Shahaadat kiya hoti hai..?..”

“Beta.. Shahaadat Allah ka aik inaam hai….un logon kay liye, jo uski mohabbat mein, uskay liye jaan detay hein…”

“To mohabbat ki wajah se jaan deni parrti hai..?..”

” 🙂 Jaan deni nahin parrti… Paish ki jaati hai… Qabool ho jaaye to Shaheed, nahin to Ghazi….”

“Baba, jaan denay ka matlab to mar jaana hota hai na..!…”

“Jee..”

“To jo mar jaatay hein, unhein kiya inaam milta hai..?..”

“Wo martay nahin hein meri jaan.. Wo to zinda rehtay hein.. Yeh inaam hai unka.. Hamesha ki zindagi….”

“Ye jin 83 logon ne Sehwan mein jaan di, wo bhi Shaheed hein..?… Unhon ne tau jaan paish nahin ki thee..!!!… Ya ki thee..?…”

“Beta… Ye baatein aap kyoon pooch rahay hein..?..”

“Baba.. Mujhay samajh nahin aata. Jaan paish bhi nahin kee.. Mar bhi gaye… Phir kaha jaata hai jaan di bhi, aur Shaheed / zinda bhi hein..!..”

“Isi liye to Allah ji farmaatay hein, ‘magar wo zinda hein, pur tumhein iska shauur nahin’..”

“Baba.. shauur kiya hota hai..?…”

“Wo jo hamaray paas nahin hai meray Betay…😓…”

“Kyoon nahin hai Baba…?..”

“Kyoun kay insaaniyyat uthaa li gayi hai hamaaray yahaan se….”

“Baba.. Insaaniyyat kiya hoti hai…?…”

Advertisements

3 thoughts on “Dialogue – 31 (Sawaaliya Nishaan)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s