Dialogue – 34 (Tension)

“Aik niya war phase shuru hogiya hai… Terrorism kay khilaaf… Pur, tension ho rahi hai… Cheezain theek nahin ho raheen…”

“.. 🙂 🙂 .. ”

“Iss mein hansnay ki konsi baat hai..!.. Khana tasty nahin laga tumhein…?”

“Tasty hai.. Monal jaisi jagah.. Mahol… Weather… Scenery.. Wow.. Faisal Majid ka view to bohat khooboorat hai.. Islamabad! Wah, kiya naam hai tumhaaray shehr ka.. 🙂 Hansi pur aik aur baat pe aai thee…”

“Wo kiya..?..”

“War phase pe.. War tau nahin…..ye to reactive pursuit hai…”

“Aur kiya hoti hai war..?..”

“Kamaal hai.. Tum to military brat ho.. Army baby ho… Tumhein nahin pata… Bhool gaye Uncle ki deployments?..”

“Pata hai… Jub Daddy Kargil front pe launch huay thay… Phir jub injury kay baad taang kati unki… Hamaari to saari life, routine, har cheez badal di uss jang ne….”

“Exactly… War mein yehi hota hai… Aur agar saari life, routine, har cheez na badlay, to wo war nahin hoti…”

“Kehna kiya chaahtay ho…?…”

“Tum batao… Tum ne kia kiyya hai iss war mein?.. Kiya contribute kiyya hai.. Yahaan BBQ urra rahay ho.. Irdgird khush-haal Pakistani hain.. Music, lights on hein…”

“Mein ne wall pe post lagaai hai iss baaray mein.. Whatsapp status update kiya hai aik relevant saying se… Blog pe link share kiye hein info kay… TV, Newsfeed aur Media ko follow karta hoon 24/7… Aur tau aur, aik dialogue bhi likha hai apnay blog pe…. Tension hai meray har social media account pe… HumSub se lay kar Mukaalma, aur Likhari se lay kar Daleel tak… Har website pe log tense hain….”

“… 🙂 … Shabaash ”

“Meri war yehi tau hai.. Ab mein fouj, police aur awaam kay gham mein khana to nahin chorr sakta.. Monal aanay mein kiya problem hai!!… Life enjoy karna tau nahin chorra jaa saktaa.. Theek hai, war phase hai… Pur kiya saari awaam sub kuch chorr de….?….. Life, routine, har cheez…?…”

“Kaafi arsa pehlay mein ne aik ad dekha… Sucral (artificial sweetener for diabetics) ka…. Uski punch line yaad aati hai aaj….”

“Kiya thee wo..?..”

“Meetha nahin chhorra jaata..!…..to tension lena chhorr deejiye…!!….. 🙂 ..”

Advertisements

One thought on “Dialogue – 34 (Tension)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s