Dialogue – 49 (Un-requested Post….. Part 2)

“Mera sub se weak point…?..”

“Decision-making…”

“Mera sub se strong point…?…”

“Decision pe qaaim rehna……. I would call it positive ego…”

“Meray liye koi tip…?…”

“Hum mein se kisi ko bhi tips ki zaroorat nahin hoti…. Sirf mohabbat, eitemaad, izzat aur time chaahiye hota hai…… And in that, you are blessed….. In case aapko lagay kay aisa nahin hai, to compare kar lein doosron se (jin ko aap waqaee jaanti hein)…. You’d find yourself blessed more than many….”

“Hmmmm…”

“Pur aapkay liye aik tip hai…”

“Kiya…?…”

“kisi ko mohabbat, eitemaad, izzat aur time agar de na sako, tau uss se cheen’na bhi mat…. Warna aik cycle chal parray ga……jo aap tak bhi pochncahy ga kisi waqt pe….”

“Sawaal…sawaal….sawaal….. Meri qismat aisi kyoun hai…? Logon se mein adjust kyoun nahin kar paati….? Behooda, bekaar aur bewajah baaton se sarf-e-nazar kyoon nahin ho paata…?..”

“Kuch to naam ka asar hai….. Kuch eemaan ka acha waala darjaa hai…. Kuch training, experiences aur tabiyyat bhi aisi paayi hai…. Bus aik baat yaad rakhna! takleefon ko, aazmishon ko, ajeeb o ghareeb logon ko, unki baaton ko, situations ko, judge nahin kiyya kartay…..react bhi nahin kiyya kartay… Sirf un pe act kiyya kartay hein….. Constructive act…. Aik diary rakh lo, uss mein likh liya karo jub bhi koi bura mouqa aaye, ya koi aisai remak aaye… Aur act ya react kartay waqt socha karo kay iss situation mein hamaaray Nabi (PBUH) hotay tau kiya kartay…. Aur, buss, phir aankhein band kar kay wohi karnay ki koshish kiyya karo……irrespective of results….. Iss tarah aahista aahista training kar logi apni aur apni ego, nafs aur reactions ki….”

“Pur aisa kyoon hota hai, kay hum tootnay lagtay hein…… Mehsoos hota hai kay ab buss…. Itna down kyoun ho jaata hai dil….? Itni mushkil kyoun ho jaati hai life…?..”

“Kyoon kay hum inn jawaabon ko dhoondnay kay liye nahin, inn situations par amal karnay kay liye banaaye gaye hein…. Ooper walay se connection strong karo larki….”

“Mujhay lagta hai, mera connection strong nahin ho sakta…. Mein bohat weak-willed hoon….”

“Aapka wo waala connection to kaafi strong hai… At least aapki life-situations se lag raha hai….”

“Wo kaisay….?…”

“Aap bataayein na……. Kiya tareeqa hai check karnay ka, kay rassi tanee hui hai, aur strong hai….?….”

“Yehi, kay jub aik taraf se khainchee jaaye, tau doosri taraf khinchaao mehsoos ho….”

“Exactly… 🙂 …”

Advertisements

9 thoughts on “Dialogue – 49 (Un-requested Post….. Part 2)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s