Dialogue – 58 (Himmat ki Purriyya – Part 1)

“Assalaam o alykum Janaab…”

“Wa-alykum…”

“Ki haal chaal aiy… 🙂 .. Waisay kuch acha to nahin lag raha haal bhi, aur chaal bhi…… 😛 .. Khair to hai?….”

“Buss yaar, kuch na poocho… Life mushkil hai… Depressed rehta hoon aaj kal… Aik masla khatam ho to doosra sar uthaa kay kharra ho jaata hai… Professional life mein, personal life mein aur relationships mein, cheezein haath mein nahin aa raheen… Kuch aur bhi maslay hein, jo kisi se share bhi nahin kar sakta..”

“Allah khair karain gey…. Allah ko arzee daalo…”

“Barri dua ki… Barra roya peetta…. Pur depression roz ba roz barrhta hai…”

“Iska matlab hai, Allah kay saath connection strong nahin hai….”

“Ab mein kiya karoon! Jaan de doon kiya!? Itna sabar nahin hai mujh mein… Hamein bataaya jaata hai, hamaarai apni wajah se museebatein aati hein… Pur meray saath jo ho raha hai, uski mein na hi wajah bana, na hi mein ne usay chaaha….. Phir meray saath kyoon..?…”

“Look dear, museebaton ko judge nahin kiya kartay… Na hi un pe comment kartay hein….. Agar aisa karnay se maslay hal ho jaatay, to life barri aasaan hoti….coz yehi donon kaam (judging and commenting) mein to hum sub master hein…. 😉 …”

“Phir shuru tanz…!… Bhai ye bataao kiya kartay hein iss stage pe, jis pe mein hoon..!?..”

“Allah farmaatay hein, ‘We’d surely put you to trials, by involving you in fear and hunger and by causing loss of property, life and earnings; and give good tidings to those who remain steadfast in these trials. If a misfortune comes to them, they say: Inna lillah e wa inna ilaih e rajioon’…”

“Pur ye to death pe parrhtay hein….”…

“La haul…. Aik to kam-ilmi, ooper se attitude… Tera kuch nahin ban’nay waala bhai… Sir Ji, ye har museebat pe parrho.. Quran mein likha hai….”

“Acha, aur kiya karna hai…?…”

“Aur, museebaton ko advertise nahin karna…… Unhein curse nahin karna… Yaqeen karo, unn mein kuch aisi rehmatein bhi chupi hoti hain, jo hum ne sochi bhi nahin hotein…. ‘Blessing-in-disguise suna hai?’…”

“Yup…”

“Aik baat ka khaas khiyaal rakhna… Mayoosi (disappointment) kufr hai… Ye bohat barra issue mein.. Kufr koi chhotti cheez nahin… Jo marzi ho jaaye, hope na chhorrna…. Hope eemaan ka aik rukh hai….. Allah se acha gumaan rakho… Allah ko manaao…. Apnay actions aur reactions theek karo….”

“Hmmmmm…”

“Aur haan.. Ye bhi check karo, tum ne kisi ka haq to nahin maara hua…?… Kisi kay paisay to nahin phansaaye huay…?… Kisi ko tang to nahin kiyya hua…? Kisi kay liye baais e mushkil to nahin banay huay…? Look around, look back… Kabhi kabhi insaan zubaan se nahin kehtay, our unki aah seedhi ooper pohanchti hai…”

“Pur, hope nahin aati… Hope qaim nahin rehti… Kiya karoon…?..”

“Find someone special, dear and sincere… He will give you hope…. Ask Allah to bless you with someone like that….. Pata hai, jub Nabi e Kareem (PBUH) aur Hazrat Abu Bakar (RA) hijrat kay safar mein thay, to barra mushkil, tension waala waqt thaa…. Uss waqt jub wo pareshaan huay, to Prophet (PBUH) ne unhein kin alfaaz mein tasallee di….?…”

“Kin alfaaz mein…?…”

“Unhon ne kaha: Gham ne karo.. Allah hamaaray saath hai…”

“Iss se kiya hua….? ….”

“Well, jo Allah ka plan thaa, hua to wohi… Unko enemies ne dekh liyya… Suraaqa ne follow bhi kiyya; wo aik alag kahaani hai…. Pur tumhaaray liye lesson yeh hai, kay depression ki state mein masla hal hona important nahin hota…..”

“To kiya important hota hai…..”

“Gham na karna… Hopeless na hona…. Umeed na choorrna…. Himmat qaaim rakhna….”

Advertisements

3 thoughts on “Dialogue – 58 (Himmat ki Purriyya – Part 1)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s