یہ خوب کیا ہے، یہ زشت کیا ہے، جہاں کی اصلی سرشت کیا ہے۔۔ بڑا مزہ ہو تمام چہرے اگر کوئ بے نقاب کر دے۔۔

میرے سامنے اس وقت گوہؔر ہوشیار پوری کی تین کتب موجود ہیں۔ “بساط”،” پیرایہ” اور “سن تو سہی”۔

زبان و بیان پر قدرت، خیالات کی خوبصورت عکاسی اور عظیم و مقدس نسبتوں سے پروۓ ہوۓ شعر۔۔۔ ما شااللہ۔

اس عمدہ کلام کے کچھ آبگینے حاضر ہیں:

یارو  ُخدا نہیں تو پھر آخر وہ کون ہے

کرتا ہے اپنے ساتھ جو اتنی رعایتیں

ــــــــــــــــــــــــــــــــــــــــــــ

اِک عُمر رہا سایوں کا ناکام تعاقب

اِک عُمر پشیماں رہے معیار سے اپنے

کتنے ہی طلب سے تھے مزے بے طلبی کے

محرم کریں کِس کِس کو اب اسرار سے اپنے

ــــــــــــــــــــــــــــــــــــــــــ

“ہمارا تُمہارا خُدا بادشاہ”

ہماری تمہاری سزا ایک ہے

نہ ملئے، کہ مِل کر بچھڑنا پڑے

کوئ دُکھ ہو چھوٹا بڑا ایک ہے

ــــــــــــــــــــــــــــــــــــــــــ

بازیچہءِ اطفال بھی ہے بازیِ جاں بھی

کیا چیز محبت ہے کہ ارزاں بھی گراں بھی

راس آنے، نہ راس آنے پہ موقوف ہے ورنہ

غم عشق کا جاں بخش بھی ہے، درپےء جاں بھی

ــــــــــــــــــــــــــــــــــــــــــــــ

 دُوری ہی مسلسل ہے نہ ہے قُرب ہی پیہم

اِک بات کا رونا ہو تو کِس بات کا رونا

ــــــــــــــــــــــــــــــــــــــــــــــ

دن اْس کی یادوں میں گزرا، رات سو اْس کے خوابوں میں

اْس  پر  لاکھ  سلام  کہ  رکھا  ساری عْمر  گلابوں  میں

ــــــــــــــــــــــــــــــــــــــــــــــــــــ

آج کی ساری بات ہے یارو، کل افسانہ ہو جانا ہے

کیا دنیا کے پیچھے پھرنا ،  کیا  دیوانہ ہو جانا ہے

نئے پْرانے سب اْس کے ہیں، کون پْرانا کون نیا

قبر کو  لاکھ منقّش کر لو،  ڈھیر پْرانا  ہو جانا  ہے

اْس  کا غم   اپنا    لو   ورنہ  تنہا   تنہا   رہ   جاؤ    گے

جس کے ساتھ ہوا  وہ ،  اْس   کے ساتھ زمانہ ہو جانا ہے

ـــــــــــــــــــــــــــــــــــــــــــــــــــــــ

سوتے جاگتے،  جاگتے سوتے بیت گئی

یاد نہیں کب سوئے کب بیدار ہوئے

اْسؐ کے ذکر سے شام و سحر تابندہ ہوں

جس  کی  خاطر  شام  و  سحر تیّار  ہوئے

ــــــــــــــــــــــــــــــــــــــــــــ

بچھڑ جانے کی باتیں کر رہے ہو

ذرا  چہرہ   تو   سنجیدہ   بنا   لیں

کھلونے  توڑ  دینا ،   جوڑ  دینا

نگاہیں پھیر کر وہ  پھر   مِلا  لیں

Advertisements

5 thoughts on “یہ خوب کیا ہے، یہ زشت کیا ہے، جہاں کی اصلی سرشت کیا ہے۔۔ بڑا مزہ ہو تمام چہرے اگر کوئ بے نقاب کر دے۔۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s