Definitions – 101

جلوت 

انسان کا وہ پہلو ہے جودوسروں کے ساتھ  روابط، تعلقات، رشتے، خواہش، جذبات، دوستی اور محبت  سے اسے مطمئن اورآسودہ خاطر رکھتا ہے یا بےچین اور پرملال۔ 

خلوت 

انسان کے اندر کی وہ دنیا ہے جہاں وہ بالکل تنہا ہوتا ہے اور اس کی روح  کا وہ سفر جو اسے درِ کائنات تک رسائی  پانے کے لئے صبر، شکر، بندگی کی پر کشش قوت کا حامل بناتا ہے۔

 

Courtesy Seema Aftab

Advertisements

Definitions – 100

Teacher:

Someone who teaches us how to think…

Definitions – 99

اِخلاص کسے کہتے ہیں۔۔۔

جُنید بغدادی کہتے تھے کہ میں نے اِخلاص ایک حجام سے سِیکھا۔ایک میرے اُستاد نے کہا کہ تُمہارے بال بہت بڑھ گئے ہیں اب کٹوا کے آنا۔پیسے کوئی تھے نہیں پاس میں، حجام کی دُکان کے سامنے پہنچے تو وہ گاہک کے بال کاٹ رھا تھا۔اُنہوں نے عرض کی چاچا اللہ کے نام پہ بال  کاٹ دو گے۔یہ سنتے ہی حجام نے گاہک کوسائیڈ پر کیا اور کہنے لگا۔پیسوں کے لیے توروز کاٹتا ھوں۔اللہ کے لیے آج کوئی آیا ھے۔

اب انُکا سر چُوم کے کُرسی پہ بٹھایا روتے جاتے اور بال کاٹتے جاتے۔حضرت جنید بغدادی نے سوچا کہ زندگی میں جب کبھی پیسے ھوئے توان کو ضرور کچھ دوں گا۔

عرصہ گزر گیا یہ بڑے صوفی بزرگ بن گئے۔

ایک دن ملنے کے لیے گئے واقعہ یاد دلایا اور کچھ رقم پیش کی۔تو حجام کہنے لگا جُنید تو اتنا بڑاصوفی ھوگیا تجھےاتنا نہیں پتا چلا کہ جو کام اللہ کے لیے کیا جائے اس کا بدلہ مخلوق سے نہیں لیتے۔۔!

Definitions – 98

میرے ایک استاد تھے، میں نے ان سے پوچھا کہ سر ” ایمان کیا ہوتا ہے ” انھوں نے جواب دیا کہ ” ایمان خدا کے کہنے پر عمل کرتے جانے اور کوئی سوال نہ کرنے کا نام ہے یہ ایمان کی ایک ایسی تعریف تھی جو دل کو لگتی تھی ”

اٹلی میں ہمارے کمرے میں ایک بار آگ لگ گئی اور ایک بچا تیسری منزل پر رہ گیا شعلے بڑے خوفناک قسم کے تھے – اس بچے کا باپ نیچے زمین پے کھڑا بڑا بیقر……ار اور پریشان تھا اس لڑکے کو کھڑکی میں دیکھ کر اس کے باپ نے کہا “چھلانگ مار بیٹا ” اس لڑکے نے کہا بابا میں کیسے چھلانگ ماروں مجھے تو تم نظر ہی نہیں آ رہے اس کے باپ نے کہا ” تو چاہے جہاں بھی چھلانگ مار تیرا باپ تیرے نیچے ہے تو مجھے نہیں دیکھ رہا ” میں تو تمھیں دیکھ رہا ہوں نا !” اسی طرح الله تعالیٰ فرماتے ہیں کہ ” تم مجھے نہیں دیکھ رہے میں تو تمھیں دیکھ رہا ہوں ”

اعتماد کی دنیا میں اترنے کے لئے ضروری ہے کہ ہم اپنی شہ رگ کی بیٹھک اور شہ رگ کے ڈرائنگ روم کا کسی نہ کسی طرح آہستگی سے دروازہ کھولیں – اس کی چٹخنی اتاریں اور اس شہ رگ کی بیٹھک میں داخل ہو جائیں جہاں الله پہلے سے موجود ہے

از اشفاق احمد

Definitions – 97

انا اور خود داری دو الگ الگ کیفیات ہیں مگر ہم انھیں اکثر خلط ملط کر دیتے ہیں۔حالانکہ خود داری خود شناسی سے جنم لیتی ہے اور انا اندر چھپی جہالت سے۔ خود داری پیغمبرانہ وصف ہے اور انا پرستی فرعونیت۔ خود داری بینا اور انا نابینا۔

وسعت اللہ خان